Секое правило има свој исклучок - исклучоците никогаш немаат свои правила!!!

Почнуваме да пишуваме за љубовта. Прочитајте ги дневните весници или погледнете телевизија, и ќе ви стане јасно зошто бегаме во светот на љубовта. Не дека се офајдивме и ние многу од љубовта, и тука се лаже, и во љубовта се “врзуваат машни”, и овде има поплава од чувства, еднострана наменска љубов (најчесто поделена) поттикната од користољубие.
И тука глумиш наивност, простуваш на лаги и гласаш повторно за неа. Веќе видено нели?

Станавме уметници во простување, како што станавме уметници во гладување и во мечтаење дека некогаш ќе ја пронајдеме вистинската љубов и ќе го задоволиме гладот по голи човечки емоции.

Сакате вашата врска и љубов да бидат како првиот ден ?
Прочитајте ги овие правила за која експертите велат дека помагаат да се опстои долго во среќата и во љубовта. Експертите се како политичарите, па затоа оставаме на вас дали ќе им верувате.
Сега засега верувајте им само на оние во чие присуство пеперутките во стомакот се будат, се разлетуваат и ви ја убиваат рамнодушноста.

Кажете му дека го/ја сакате

Добро, не мора баш секој ден да гњавите, но понекогаш кажете го тоа!!

Комуницирајте и во текот на денот

И додека сте на работа и не сте еден покрај друг, пратете мејл, СМС или барем накратко слушнете се преку телефон. Така ќе останете поврзани и кога ви е тешко и кога добро ви оди.

Одржувајте ги заедничките интереси

Чудно, но паровите најчесто немаат заеднички интереси. Доколку не постојат заеднички теми, среќните парови ги создаваат. Тоа ќе го зголеми интересот на вашиот партнер за вас и никогаш нема да ви биде досадно кога ќе бидете заедно.

Држете се за раце

Среќните партнери одат еден покрај друг или се држат за раце. Психолозите велат дека ова всушност е многу важно. Се согласуваме.

Простувајте

Расправиите се нормална работа, но нормално е и тоа на нив да заборавите и да му простите на партнерот дури и тогаш кога згрешил. 

Барајте доблести, а не мани

Доколку барате грешки кај партнерот, секогаш и секаде ќе ги пронајдете. Како и тој кај вас. Ако барате добри работи, и тие се тука. Среќните парови бараат позитивни работи и на нив постојано работат. Затоа и се среќни – логично.

Бидете среќни кога сте заедно

Среќните парови сакаат да бидат видени заедно и честопати се в некој вид на контакт – рака во рака, рака на раме, вратот или на колено. Тоа не значи дека позираат на светот, туку дека си припаѓаат еде на друг.

Секоја љубов има свој исклучок и своја нова љубов, но исклучокот и новата љубов не значат секогаш искрена и неподелена љубов!!!